ہر رات کی صبح نکلے نئی اے اھل جہاں لازم تو نہیں

سب جھونپڑیوں کی قسمت میں پکے ہوں مکاں لازم تو نہیں

تم  توڑ کے اینٹیں اور پتھر ہاتھوں کی لگا لینا قیمت

کرکے بھی مشقت ملے تجھے کوئی سائباں لازم تو نہیں

اجسام کی گرمی اک جیسی  ہر سانس کی نرمی  اک جیسی

اک جیسے ہوں رہنے والے  سارے انساں لازم تو نہیں

پہنچے  انصاف یہ گلی گلی جب بٹے محبت طبقوں میں

ہر اک کے لئے ہو اک جیسا قانون  یہاں لازم تو نہیں

جب ہوا چلے شرقاً غرباً احساس دلاۓ گرمی کا

میرے گھر میں اچانک ہو جاۓ بارش کا سماں لازم تو نہیں

جب جمع کیا قطرہ قطرہ آنکھوں نے کہا بس اور نہیں

دولت کے پیچھے غربت کا چھپے نام و نشان لازم تو نہیں

یہ دلدل نفرت کی پیارے ہو پھیلی ہوئی جب چاروں طرف

سمجھیں کرتے دھرتے سارے تیرے سود و زیاں لازم تو نہیں