یہ خاموش لب گنگناتی تمنا کہو بات کیا ہے؟

اکیلے اداس اس طرح سے نہ ہو بات کیا ہے؟

وہ جھیل ایسی آنکھوں سے شبنم کا گر نا

نہ ہم سے خفا یوں رہو بات کیا ہے؟

نہیں نام حیلوں بہانوں کا منزل

بتا کر ہمیں سب سہو بات کیا ہے؟

اگر بات رخساروں تک ہو تو بہتر

نہ اشکوں سے دامن بھگو بات کیا ہے؟

یہ مانا کب آنکھ آنسوؤں کی ہے بستی

نہ رخسار پہ یوں بہو بات کیا ہے؟

ابھی تو ہے نازش بہت رات باقی

نہ کشتی کو گہرا ڈبو بات کیا ہے؟

مسز دستگیر نازش