اِک شام

اک شام میں تنہا بیٹھا تھا

وہ تنہائی کیا تنہائی تھی

کچھ میری ذات تو شامل تھی

کچھ اُس کی ذات بھی شامل تھی

وہ سامنے میرے بیٹھا تھا

میں تکتا اُس کو رہتا تھا

وہ کچھ بھی مجھ کو کہتا تھا

بس اُس کو سنتا رہتا تھا

وہ کہتا تھا کچھ بات تو کر

میں لفظ اٹھانے لگتا تھا

جب لفظ میں اپنے چنتا تھا

کچھ دل کی کہنے لگتا تھا

وہ غائب ہی ہو جاتا تھا

میں تنہا ہی رہ جاتا تھا

اک شام میں تنہا بیٹھا تھا

احسن اقبال