غزل

اُٹھیں جو آنکھیں تو بس اِک دعا نِکل جائے

جُھکیں جو پلکیں تو سارا جہاں نِکل جائے

نہ حرفِ لب کی طلب ہے، نہ گفتگو کی پیاس

بس اُن کے عکس سے اپنا سَماں نِکل جائے

وہ سامنے ہوں تو مِلتی نہیں مِری نظریں

اِسی حجاب میں سارا بیاں نِکل جائے

اِدھر ہجومِ تمنّا، اُدھر وہ بے خبر سے

خُدا کرے کہ یہ عمرِ رواں نِکل جائے

وہ جب بھی سامنے آئیں تو سانس رُک جائے

اِسی حیا میں کہیں اپنی جاں نِکل جائے

ثملؔ! وہ ایک نظر دیکھ لیں کرم کر کے

پھر اِس کے بعد بھلے اِک فغاں نِکل جائے

ثملؔ